បាត់ដំបង៖ ក្នុងរដូវកាលពិធីបុណ្យកាន់បិណ្ឌ៤ និងភ្ជុំបិណ្ឌ ត្រូវនឹងព្រឹកថ្ងៃទី៣០ ខែកញ្ញា ឆ្នាំ២០២៦ លោក រ៉ាត សូរ៉ា អនុប្រធានមន្ទីរធម្មការ និងសាសនាខេត្តបាត់ដំបង បានណែនាំដល់គ្រប់ទីអារាម នៅក្នុងខេត្តបាត់ដំបង ពេលមានការសម្តែងធម៌ទេសនា ត្រូវបញ្រៀបអំពីផលប៉ះពាល់នៃការប្រើប្រាស់គ្រឿងញៀន និងបញ្ជៀបច្បាប់ចរាចរណ៍ដល់គ្រប់ស្រទាប់យុវវ័យ និងប្រជាពលរដ្ឋ។

បាត់ដំបង៖ ពុទ្ធបរិស័ទខេត្តបាត់ដំបង ដែលមានជំនឿគោរពតាមទំនៀមទម្លាប់ប្រពៃណី បានជួបជុំគ្នា រៀបចំកាន់វេនដាក់បិណ្ឌតាមវត្តអារាមនានា ដើម្បីរំលឹកនឹកគុណ និងឧទ្ទិសកុសលជូនដល់បុព្វការីជន មានមាតាបិតា និងវីរយុទ្ធជនពលីដែលបានចែកឋានទៅ ព្រមទាំងថែរក្សាទំនៀមទម្លាប់ប្រពៃណីខ្មែរដែលមានតាំងពីបុរាណកាល។

បាត់ដំបង៖ សិល្បការិនីជំនាន់ដើមចំនួន៣រូប រួមមានរូបសំណាកលោកស្រី រស់ សេរីសុទ្ធា, លោកស្រី ប៉ែន រ៉ន និងលោកស្រី ហួយ មាស ត្រូវបានធ្វើពិធីបើកស្បៃដាក់បង្ហាញដល់សាធារណៈជន នារសៀលថ្ងៃទី១៣ ខែកញ្ញា ឆ្នាំ២០២៦ នៅបរិវេណសួនសិល្បៈ ក្រុងបាត់ដំបង ក្នុងការលើកតម្កើងនូវស្នាដៃ និងតម្លៃសិល្បៈខ្មែរកាន់តែលេចធ្លោថែមទៀត សម្រាប់ខេត្តបាត់ដំបង ដោយមានការអញ្ជើញជាអធិបតីភាព ពីឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងលោក លោកស្រី ប្រធាន អនុប្រធានមន្ទីរនានាក្នុងខេត្ត ព្រមទាំងប្រជាពលរដ្ឋយ៉ាងច្រើនកុះករ។

បាត់ដំបង៖ ឯកឧត្តម សុខ លូ អភិបាលខេត្តបាត់ដំបង បានដឹកនាំសហការីចូលរួមគោរពវិញ្ញាណក្ខន្ធ ឧបាសិកា រស់ សាបឿន បងស្រីបង្កើតរបស់លោកស្រី រស់ សេរីសុទ្ធា ដែលបានទទួលមរណភាពដោយជរាពាធ ក្នុងជន្មាយុ ៨៨ ឆ្នាំ។ ពិធីបុណ្យសពបានប្រារព្ធនៅវត្តស្វេតកុញ្ជរជ័យ (វត្តដំរីស) កាលពីថ្ងៃទី ២០ សីហា ២០២៦។

បាត់ដំបង៖ លោក មូល ធន អភិបាលរងខេត្តបាត់ដំបង តំណាងដ៏ខ្ពង់ខ្ពស់ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង កាលពីថ្ងៃទី២៨ ខែកក្កដា ឆ្នាំ២០២៦ បានដឹកនាំប្រតិភូមន្ត្រីរាជការនៃមន្ទីរ-អង្គភាពជុំវិញខេត្ត ដែលទទួលបន្ទុកចុះជួយសង្កាត់អូរម៉ាល់ បាននាំយកទៀនវស្សា និងទេយ្យវត្ថុ ទៅប្រគេនព្រះសង្ឃដែលគង់ចាំវស្សាអស់ត្រីមាស នៅវត្តរកា ស្ថិតក្នុងសង្កាត់អូរម៉ាល់ ក្រុងបាត់ដំបង ខេត្តបាត់ដំបង។

បាត់ដំបង៖ ប្រជាពលរដ្ឋខ្មែរជាអ្នកកាន់ព្រះពុទ្ធសាសនា តែងតែគោរពប្រតិបត្តិបុណ្យចូលព្រះវស្សា ជាបុណ្យដ៏មានសារៈសំខាន់មួយ នៅតាមទីអារាមនានា នៃព្រះរាជាណាចក្រកម្ពុជា ជារៀងរាល់ឆ្នាំ មិនដែលខកខានឡើយ ដោយបានយក នូវទៀនព្រះវស្សា ទេយ្យទាន និងបច្ច័យ យកទៅប្រគេនដល់ព្រះសង្ឃ ដែលគង់ចាំព្រះវស្សាអស់កាលត្រីមាស ក្នុងការសិក្សារៀនសូត្រ នូវធម៌វិន័យឱ្យបានខ្ជាប់ខ្ជួន ដើម្បីទ្រទ្រង់វិស័យ ព្រះពុទ្ធឱ្យបានស្ថិតស្ថេរគង់វង្សយូអង្វែង។