ភ្ញៀវទេសចរមកកម្សាន្តយ៉ាងកុះករ ងូតទឹកលេង និងរៀបចំអាហារយ៉ាងសប្បាយរីករាយ នៅតំបន់អេកូទេសចរណ៍ធម្មជាតិ «ទឹកធ្លាក់តាំងយូរ» លើខ្នងភ្នំត្បែងមានជ័យ ខេត្តព្រះវិហារ!
ដើម្បីបានទៅដល់ឋានសួគ៌ទឹកធ្លាក់លាក់ខ្លួនមួយនេះ បងប្អូនភ្ញៀវទេសចរត្រូវធ្វើដំណើរចេញពីទីរួមខេត្តព្រះវិហារ ឆ្ពោះទៅកាន់ជើងភ្នំត្បែងមានជ័យ ដែលមានចម្ងាយប្រមាណជាង ១០គីឡូម៉ែត្រ។បន្ទាប់មកដំណើរផ្សងព្រេងពិតប្រាកដនឹងចាប់ផ្តើម តាមរយៈការបោះជំហានឆ្លងកាត់កាំជណ្តើរឈើបត់បែនតាមចង្កេះភ្នំ ក្នុងរយៈពេលប្រហែល ១ម៉ោងទៅ ២ម៉ោង (អាស្រ័យលើកម្លាំងកាយ)។
