អាជ្ញាធរខេត្តមណ្ឌលគិរីបន្តយុទ្ឋនាការដាក់អាប៊ែតជុំទី២ តាមខ្នងផ្ទះប្រជាពលរដ្ឋដើម្បីការពារជំងឺគ្រុនឈាម
ខណៈរដូវវស្សាកំពុងមានភ្លៀងធ្លាក់ជោគជាំ បង្កើតឲ្យមានជម្រកមូសខ្លាស្ទើរគ្រប់ទីកន្លែង ដែលមូសប្រភេទនេះជាភ្នាក់ងារចម្លងជំងឺគ្រុនឈាមយ៉ាងលឿនរហ័ស ដើម្បីចំចាត់ជម្រកវាអាជ្ញាធរខេត្តមណ្ឌលគិរី ក្រោមការសម្របសម្រួលពីមន្ទីរសុខាភិបាលខេត្ត នារសៀលថ្ងៃទី១៤ ខែសីហា ឆ្នាំ២០២៦ បានរៀបចំយុទ្ឋនាការដាក់អាប៊ែតជុំទី២ តាមខ្នងផ្ទះប្រជាពលរដ្ឋដើម្បីការពារជំងឺគ្រុនឈាម ក្រោមអធិបតីភាពឯកឧត្តម គង់ គឹមនី អភិបាលខេត្តមណ្ឌលគិរី ដោយមានការចូលរួមពីមន្ត្រីរាជការជុំវិញខេត្ត លោកគ្រូ-អ្នកគ្រូ សិស្សានុសិស្ស យុវជនកាយរិទ្ឋ យុវជនកាកបាទក្រហម និងបងប្អូនប្រជាពលរដ្ឋជាច្រើនរូប។ ពិធីនេះបានប្រារព្ឋឡើងនៅសាលាសង្កាត់ស្ពានមានជ័យ ក្រុងសែនមនោរម្យ ។
