នារសៀលថ្ងៃទី១ ខែតុលា ឆ្នាំ២០២៦នេះ ថ្នាក់ដឹកនាំខេត្តស្ទឹងត្រែង បានចុះ នាំយកកញ្ចប់ស្បៀងសង្គមកិច្ចដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុនី ចំនួន ៣៥២កញ្ចប់ ទៅប្រគល់ជូនដល់ដៃអតីតយុទ្ធជន និវត្តជន ជនមានពិការភាព ចាស់ជរា ស្ត្រីមានផ្ទៃពោះ និងគ្រួសាររងគ្រោះដោយគ្រោះធម្មជាតិ។

ខេត្តស្ទឹងត្រែង៖ នៅថ្ងៃទី៣០ ខែសីហា ឆ្នាំ២០២៦ នេះ ឯកឧត្តម គីម វីរៈ អនុប្រធាន និងជាអគ្គលេខាធិការ នៃគណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) តំណាងដ៏ខ្ពង់ខ្ពស់ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ គ.ជ.គ.ម. អមដំណើរដោយ ឯកឧត្តម ម៉ែន គុង អភិបាលរងខេត្តស្ទឹងត្រែង និងប្រធានលេខាធិការដ្ឋាន គ.គ.ម.ខ បានអញ្ជើញចុះពិនិត្យស្ថានភាពផលប៉ះពាល់ និងខូចខាតដោយសារគ្រោះទឹកជំនន់ នៅក្នុងស្រុកចំនួន ២ រួមមាន៖ ស្រុកថាឡាបរិវ៉ាត់ មានឃុំថាឡាបរិវ៉ាត់ ឃុំអូររៃ ឃុំកាំងចាម និងស្រុកសេសាន មានឃុំសាមឃួយ ឃុំកំភុន។ ក្នុងនោះ ក៏មានការអញ្ជើញចូលរួមពី លោកអភិបាលស្រុក និងជាប្រធាន គ.គ.ម.ស មន្ទីរសុខាភិបាល កសិកម្មរុក្ខាប្រមាញ់ និងនេសាទ អភិវឌ្ឍន៍ជនបទ ធនធានទឹក និងឧតុនិយម មន្ត្រីលេខាធិការដ្ឋាន កងកម្លាំងទាំងបីប្រភេទ មន្រ្តីជំនាញ អាជ្ញាធរមូលដ្ឋាន និងមន្រ្តីកសិកម្មឃុំ។

យោងតាមការតាមដាន និងវិភាគស្ថានភាពអាកាសធាតុ ព្រមទាំងទិន្នន័យឧតុនិយមបច្ចុប្បន្ន មន្ទីរធនធានទឹក និងឧតុនិយមខេត្តស្ទឹងត្រែង សូមជម្រាបជូនសាធារណជន និងអាជ្ញាធរពាក់ព័ន្ធឱ្យ បានជ្រាបថា៖ ចាប់ពីថ្ងៃទី២០ ខែកក្កដា រហូតដល់ថ្ងៃទី១០ ខែសីហា ឆ្នាំ២០២៦ ការវិវត្តនៃបាតុភូត El Niño បានធ្វើឱ្យខ្យល់មូសុងនិរតីនិងថយចុះ លក្ខណៈបែបនេះធ្វើឱ្យបរិមាណទឹកភ្លៀងនៅខេត្ត ស្ទឹងត្រែង ថែមថយមានកម្រិតទាបជាងកម្រិតមធ្យមច្រើនឆ្នាំ។

នៅក្នុងពិធីនាំអំណោយមនុស្សធម៌ នាពេលនោះ គឺមានការចូលរួមពី ថ្នាក់ដឹកនាំ សមាជិក សមាជិក គណៈកិត្តិយសសាខា គណៈកម្មាធិការសាខា និងក្រុមប្រតិបត្តិពីថ្នាក់កណ្ដាល ថ្នាក់សាខា អនុសាខា យុវជន និងអ្នកស្ម័គ្រចិត្តកាកបាទក្រហមកម្ពុជា បានអញ្ជើញចុះជួបសំណេះសំណាលនិងចែកអំណោយមនុស្សធម៌ជួយសម្រាលការលំបាកជូនគ្រួសារងាយរងគ្រោះបំផុតសរុប ៤៨៨ គ្រួសារ មកពី ស្រុកបុរីអូរស្វាយសែនជ័យ និងក្រុងស្ទឹងត្រែង។