ឯកឧត្តម ផេង សិទ្ធី ចុះពិនិត្យទីតាំងផ្ទះមនុស្សធម៌ ២ខ្នង និងទីតាំងចែកអំណោយជូនពលរដ្ឋ ៥០គ្រួសារ នៅសង្កាត់អូរចារ ដើម្បីត្រៀមប្រារព្ធពិធីប្រគល់នាពេលខាងមុខ

បាត់ដំបង៖ នាថ្ងៃទី០៨ ខែកញ្ញា ឆ្នាំ២០២៦ ឯកឧត្តម ផេង សិទ្ធី អនុប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង អមដំណើរដោយលោកនាយកប្រតិបត្តិសាខា និងមន្ត្រីពាក់ព័ន្ធ បានអញ្ជើញចុះពិនិត្យទីតាំងផ្ទះដោយផ្ទាល់ ដើម្បីរៀបចំត្រៀមប្រារព្ធពិធីប្រគល់ផ្ទះមនុស្សធម៌លេខរៀងទី២៧ និងលេខរៀងទី២៨ ជូនដល់ប្រជាពលរដ្ឋទីទ័លក្រ ដែលបានរងគ្រោះដោយសារគ្រោះអគ្គិភ័យកន្លងមក ព្រមទាំងរៀបចំទីតាំង សម្រាប់ចែកអំណោយមនុស្សធម៌ជូនដល់ប្រជាពលរដ្ឋទីទ័លក្រចំនួន ៥០គ្រួសារផ្សេងទៀត។