នាព្រឹកថ្ងៃទី២៩ ខែកញ្ញា ឆ្នាំ២០២៦ ក្រុមប្រឹក្សាខេត្តព្រះវិហារ បានរៀបចំកិច្ចប្រជុំសាមញ្ញលើកទី២៨ អាណត្តិទី៤ ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត និង លោក មិន ស៊ីថា អភិបាលខេត្តស្តីទី ដោយមានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត ប្រធានសាលាដំបូងខេត្ត ព្រះរាជអាជ្ញា មេបញ្ជាការកងកម្លាំងទាំងបី ប្រធានពន្ធនាគារខេត្ត ព្រមទាំងថ្នាក់ដឹកនាំមន្ទីរ-អង្គភាពជុំវិញខេត្តជាច្រើនរូបទៀត ។

នាព្រឹកថ្ងៃទី២៩ ខែកញ្ញា ឆ្នាំ២០២៦នេះ  វិទ្យាស្ថានជាតិស្ថិតិ និងមន្ទីរផែនការខេត្តព្រះវិហារ បានរៀបចំវគ្គបណ្តុះបណ្តាលស្តីពី«ការវិភាគទិន្នន័យស្ថិតិតាមតំបន់ដោយប្រើប្រាស់កម្មវិធី STATA» ចាប់ពីថ្ងៃទី២៩ ខែកញ្ញា ដល់ថ្ងៃទី០២ ខែតុលា ឆ្នាំ២០២៦ ក្រោមអធិបតីភាព លោក លឹម ពេញ នាយករងវិទ្យាស្ថានជាតិស្ថិតិនៃក្រសួងផែនការ តំណាងឯកឧត្តម ណោ វ៉ាន់ឌី នាយកវិទ្យាស្ថានជាតិស្ថិតិ ដោយមានការចូលរួមពីសំណាក់លោកស្រី ស៊ាន សុគីន ប្រធានមន្ទីរផែនការខេត្តព្រះវិហារ និងសហការីមកពីវិទ្យាស្ថានស្ថិតិ សិក្ខាកាមនៃមន្ទីរផែនការ និងមន្ទីរជំនាញដែលពាក់ព័ន្ធជាច្រើនរូបទៀត នៅសាលប្រជុំមន្ទីរផែនការខេត្តព្រះវិហារ។

កិច្ចប្រជុំ​ពិភាក្សាអំពីដំណើការកិច្ចសហប្រតិបត្តិការ រវាងអង្គការបណ្តាញទូរស័ព្ទជំនួយកុមារកម្ពុជា និងមន្ទីរព័ត៌មាន ខេត្តព្រះវិហារ ក្រោមអធិបតីភាព លោកស្រី ហែម សុគុណពិសី ប្រធានមន្ទីរព័ត៌មាន​ខេត្ត ដោយមានការអញ្ជើញចូលរួមពីសំណាក់ អនុប្រធានមន្ទីរ ថ្នាក់ដឹកនាំ​ការិយាយទាំង៥ នៃមន្ទីរព័ត៌មានខេត្ត និង អង្គការបណ្តាញទូរស័ព្ទជំនួយកុមារកម្ពុជា។

នៅថ្ងៃទី២៨ ខែ កញ្ញា ឆ្នាំ២០២៦ មន្ទីរព័ត៌មានខេត្តព្រះវិហារក្រោមការដឹកនាំរបស់លោកស្រី ហែម សុគុណពិសី ប្រធានមន្ទីរព័ត៌មាននិងមន្ត្រីរាជការក្រោមឱវាទ រួមជាមួយពុទ្ធបរិស័ទភូមិ ទួលចន្ទីបានអញ្ជើញចូលរួមពិធីសូត្រមន្ត និងរាប់បាត្រឆ្លងបុណ្យកាន់បិណ្ឌវេនទី២ នៃពិធីបុណ្យកាន់បិណ្ឌ និងភ្ជុំបិណ្ឌ ព្រមទាំងបាននាំយកនូវទេយ្យទាន គ្រឿងឧបភោគបរិភោគ បច្ច័យ ទៅវេរប្រគេនដល់ព្រះសង្ឃ គង់នៅវត្តឦសានគីរីសាមគ្គីមានជ័យ ហៅវត្តប្រយុទ្ធ ស្ថិតក្នុងភូមិហ្មងសែត សង្កាត់ប៉ាលហាលក្រុងព្រះវិហារ ខេត្តព្រះវិហារ។

មន្ទីរផែនការខេត្តព្រះវិហារ សហការជាមួយរដ្ឋបាល ស្រុកគូលែនរៀបចំសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល (២០២៧-២០២៩) ក្រុង-ស្រុក ឃុំ-សង្កាត់ ថ្នាក់ក្រុង-ស្រុក ឆ្នាំ២០២៦ នៅស្រុកគូលែន ក្រោមអធិបតីភាព លោក ណុប វុធ្ធី អភិបាលរងខេត្តព្រះវិហារ ព្រមទាំងមានការចូលរួមពីសំណាក់ លោក លោកស្រី ប្រធាន-អនុប្រធានមន្ទីរ អាជ្ញាធរស្រុក មេឃុំទាំង ៦ឃុំ អង្គការដៃគូ សប្បុរសជន និងមន្ត្រីអង្គភាពពាក់ព័ន្ធជាច្រើនរូបទៀត។

នៅព្រឹកថ្ងៃទី២៤ ខែកញ្ញា ឆ្នាំ២០២៦ រដ្ឋបាលខេត្តព្រះវិហារបានប្រារព្ធពិធីដាក់ក្រពុំបិណ្ឌផ្កាឈូក គោរពរដ្ឋធម្មនុញ្ញ នៃព្រះរាជាណាចក្រកម្ពុជា ជាលើកទី២ ក្នុងឱកាសខួបលើកទី ៣៣ឆ្នាំ នៃទិវាប្រកាសរដ្ឋធម្មនុញ្ញ (២៤កញ្ញា ១៩៩៣ - ២៤កញ្ញា ២០២៦) ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត និងលោក មិន ស៊ីថា អភិបាលខេត្តស្តីទី ដើម្បីរំលឹក និងអបអរសាទរច្បាប់កំពូលរបស់ជាតិ។