ព័ត៌មានតាមបណ្តារខេត្ត

ស្ទឹងត្រែង . នៅថ្ងៃទី២៧ ខែកក្កដា ឆ្នាំ២០២៦ មន្ទីរទេសចរណ៍ខេត្តស្ទឹងត្រែង សហការជាមួយនាយកដ្ឋានបណ្ដុះបណ្ដាលជំនាញវិជ្ជាជីវៈ នៃក្រសួងទេសចរណ៍ និង រដ្ឋបាលខេត្តស្ទឹងត្រែង បានរៀបចំពិធីបើកវគ្គបណ្ដុះបណ្ដាល មគ្គុទ្ទេសក៍ទេសចរណ៍ថ្នាក់សហគមន៍ សម្រាប់អ្នកកំពុងបម្រើសេវាកម្មនាំភ្ញៀវទេសចរនៅក្នុងខេត្តស្ទឹងត្រែង ដើម្បីពង្រឹងសមត្ថភាពវិជ្ជាជីវៈ លើកកម្ពស់គុណភាពសេវាកម្ម និងបង្កើនស្តង់ដារការបម្រើភ្ញៀវទេសចរ ឱ្យស្របតាមស្តង់ដារជាតិ។

ស្ទឹងត្រែង៖ កាលពីថ្ងៃថ្មីៗនេះ រដ្ឋបាលខេត្តស្ទឹងត្រែង បានរៀបចំកិច្ចប្រជុំគណៈអភិបាលខេត្ត ស្តីពីការពិនិត្យ និងពិគ្រោះយោបល់លើសេចក្តីព្រាងផែនការយុទ្ធសាស្ត្រថវិកាខេត្ត សម្រាប់រយៈពេល ៣ ឆ្នាំ (២០២៧-២០២៩) និងការរៀបចំគម្រោងចំណូល-ចំណាយថវិកាខេត្ត សម្រាប់ការគ្រប់គ្រងឆ្នាំ២០២៧។

នៅសាលាខេត្តស្ទឹងត្រែង មានកិច្ចប្រជុំផ្សព្វផ្សាយ ស្តីពីពង្រឹង និងលើកម្ពស់ប្រសិទ្ធភាព ការអនុវត្តការងារ ក្រមសីលធម៌វិជ្ជាជីវៈ របៀបរបបបំពេញការងារ របស់ក្រុមប្រឹក្សា និងគណៈអភិបាល រាជធានីខេត្ត ក្រុង ស្រុកខណ្ឌ។

នាព្រឹកថ្ងៃទី ២៣ ខែកក្កដា ឆ្នាំ២០២៦ អង្គការអាដ្រា កម្ពុជា នៃគម្រោងយើងរួមគ្នា សហការ ជាមួយមន្ទីរអប់រំ យុវជន និងកីឡាខេត្តស្ទឹងត្រែង បានរៀបចំទិវារំលឹកគុណលោកឳពុកអ្នកម្តាយ នៅអនុវិទ្យាល័យទួលត្នោតថ្មី ឃុំសំអាង ស្រុកថាឡាបរិវ៉ាត់ ។

នារសៀលថ្ងៃទី ២២ ខែកក្កដា ឆ្នាំ២០២៦ នៅសាលាខេត្តស្ទឹងត្រែង ឯកឧត្តម ឈាង ឡាក់ ប្រធានក្រុមប្រឹក្សាខេត្ត បានអញ្ជើញបិទវគ្គ បណ្ដុះបណ្ដាលស្ដីពី«ការរៀបចំថវិការដ្ឋបាលថ្នាក់ក្រោមជាតិតាមបែបចូលរួម និងប្រកបដោយបរិយាប័ន្ន» និងប្រគល់វិញ្ញាបនបត្រ ដល់សិក្ខាកាមមកពីខេត្តក្រចេះ ស្ទឹងត្រែង និងរតនគិរី។

ទិវាដែលបានប្រារព្ធនាពេលនោះ គឺក្រោមការអញ្ជើញចូលរួមពីលោក ឃូន សោភា អនុប្រធានមន្ទីរអប់រំ យុវជន និងកីឡាខេត្ត លោក រ័ត្ន រម្យនា ប្រធានគម្រោងយើងរួមគ្នា ប្រចាំខេត្តព្រះវិហារ កំពង់ធំ និងស្ទឹងត្រែង នៃអង្គការអាដ្រា លោកគ្រូ អ្នកគ្រូ មាតាបិតា អាណាព្យាបាល និងសិស្សានុសិស្ស។

នាព្រឹកថ្ងៃទី ២១ ខែកក្កដា ឆ្នាំ២០២៦ នៅអនុវិទ្យាល័យ អូរឬស្សីកណ្តាល ស្ថិតនៅឃុំអូរឬស្សីកណ្តាល ស្រុកសៀមបូក ខេត្តស្ទឹងត្រែង បានប្រារព្វទិវារំលឹកគុណលោកឪពុកអ្នកម្តាយ ដែលមានអង្គការអាដ្រា កម្ពុជា នៃគម្រោងយើងរួមគ្នា សហការ ជាមួយមន្ទីរអប់រំយុវជន និងកីឡាខេត្តស្ទឹងត្រែង។

ស្ទឹងត្រែង ៖ វេទិកាសម្ព័ន្ធសង្គមស៊ីវិល (វ.ស.ស.) នៃទីស្តីការគណៈរដ្ឋមន្ត្រី បានសហការជាមួយរដ្ឋបាលខេត្តស្ទឹងត្រែង រៀបចំវេទិកាសន្ទនាក្រោមប្រធានបទ «ការពង្រឹងសមត្ថភាពអង្គការសង្គមស៊ីវិលក្នុងយុគសម័យ ឌីជីថល» ដែលបានប្រព្រឹត្តទៅនៅព្រឹកថ្ងៃទី២១ ខែកក្កដា ឆ្នាំ២០២៦ នៅសាលប្រជុំសាលាខេត្តស្ទឹងត្រែង ក្រោមអធិបតីភាព ឯកឧត្តម ប៉ៃ សំបូរ អគ្គលេខាធិការ នៃអគ្គលេខាធិការដ្ឋាន វ.ស.ស. និងជាតំណាងដ៏ខ្ពង់ខ្ពស់ឯកឧត្តម កឹមរ័ត្ន វិសិដ្ឋ នាយករង ខុទ្ទកាល័យសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានក្រុមប្រឹក្សា ភិបាល វ.ស.ស. និង លោក យឹម ផែន អភិបាលរងនៃគណៈអភិបាលខេត្តស្ទឹងត្រែង តំណាងដ៏ខ្ពង់ខ្ពស់ឯកឧត្តម សរ សុពុត្រា អភិបាលនៃគណៈអភិបាលខេត្ត។

ស្ទឹងត្រែង៖ ក្នុងឱកាសអបអរសាទរ ពិធីបុណ្យរុក្ខិវា ៩ កក្កដា ឆ្នាំ២០២៦ សហគមន៍ជនជាតិដើមភាគតិចព្រៅ ស្រុកសេសាន ខេត្តស្ទឹងត្រែង បានរៀបចំកម្មវិធីដាំកូនឈើចំនួន ២,៥០០ ដើម នៅតាមខ្នងភ្នំ ទីធ្លាសាលារៀន ទីធ្លាសហគមន៍ និងតាមដងផ្លូវសាធារណៈ ក្រោមអធិបតីភាព លោកជំទាវ ឡុង ភិរម្យ រដ្ឋលេខាធិការក្រសួងទេសចរណ៍ និងជាប្រធានក្រុមការងាររាជរដ្ឋាភិបាលចុះជួយស្រុកសេសាន និងឯកឧត្តម ស្រ៊ន សំឫទ្ធី អភិបាលរងខេត្តស្ទឹងត្រែង តំណាងឲ្យឯកឧត្តម សរ សុពុត្រា អភិបាលខេត្តស្ទឹងត្រែង។

ស្ទឹងត្រែង៖ នៅព្រឹកថ្ងៃចន្ទ ទី២០ ខែកក្កដា ឆ្នាំ២០២៦ លោក ស៊ុន ប៊ុនធឿន ប្រធានមន្ទីរព័ត៌មានខេត្តស្ទឹងត្រែង បានដឹកនាំកិច្ចពិភាក្សាស្តីពីការគ្រប់គ្រងគេហទំព័រ ការគ្រប់គ្រងមាតិកា និងការសរសេរមាតិការបស់មន្ទីរព័ត៌មាន ដែលបានប្រារព្ធឡើងនៅសាលប្រជុំមន្ទីរព័ត៌មានខេត្តស្ទឹងត្រែង ដោយមានការចូលរួមពីថ្នាក់ដឹកនាំ មន្ត្រីជំនាញ និងបុគ្គលិកពាក់ព័ន្ធផងដែរ។

ស្ទឹងត្រែង ៖ នៅថ្ងៃទី២០ ខែកក្កដា ឆ្នាំ២០២៦ រដ្ឋបាលខេត្តស្ទឹងត្រែង រៀបចំកិច្ចប្រជុំពិភាក្សា និងសម្របសម្រួលការបំពេញស្ថិតិកង់បី ឬរ៉ឺម៉កដឹកអ្នកដំណើរ ដែលបានចុះឈ្មោះ និងមិនទាន់បានចុះឈ្មោះក្នុងប្រព័ន្ធសេដ្ឋកិច្ចក្រៅប្រព័ន្ធ តាមបណ្តាក្រុង-ស្រុកទូទាំងខេត្ត។ កិច្ចប្រជុំនេះ បានប្រព្រឹត្តទៅក្រោមវត្តមាន លោក ព្រំ វណ្ណៈ អភិបាលរងខេត្ត តំណាងឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង ។ កិច្ចប្រជុំនេះក៏មានការអញ្ជើញចូលរួមពី ថ្នាក់ដឹកនាំមន្ទីរអង្គភាព ដែលពាក់ព័ន្ធ តំណាងរដ្ឋបាលក្រុង ស្រុកទាំង៦ និងភាគីពាក់ព័ន្ធជាច្រើនរូបទៀត។

យោងតាមការតាមដាន និងវិភាគស្ថានភាពអាកាសធាតុ ព្រមទាំងទិន្នន័យឧតុនិយមបច្ចុប្បន្ន មន្ទីរធនធានទឹក និងឧតុនិយមខេត្តស្ទឹងត្រែង សូមជម្រាបជូនសាធារណជន និងអាជ្ញាធរពាក់ព័ន្ធឱ្យ បានជ្រាបថា៖ ចាប់ពីថ្ងៃទី២០ ខែកក្កដា រហូតដល់ថ្ងៃទី១០ ខែសីហា ឆ្នាំ២០២៦ ការវិវត្តនៃបាតុភូត El Niño បានធ្វើឱ្យខ្យល់មូសុងនិរតីនិងថយចុះ លក្ខណៈបែបនេះធ្វើឱ្យបរិមាណទឹកភ្លៀងនៅខេត្ត ស្ទឹងត្រែង ថែមថយមានកម្រិតទាបជាងកម្រិតមធ្យមច្រើនឆ្នាំ។