ព័ត៌មានតាមបណ្តារខេត្ត

ក្នុងបេសកកម្មចុះប្រតិបត្តិការត្រួតពិនិត្យ និងបង្រ្កាបបទល្មើសជលផល ចំនួន ២ករណី នៅក្នុងភូមិសាស្ត្រស្រុកព្រៃឈរ និងស្រុកកងមាស នៅថ្ងៃទី១៦ ខែកញ្ញា ឆ្នាំ២០២៦ នេះ ខណ្ឌរដ្ឋបាលជលផលកំពង់ចាម សហការជាមួយ អាជ្ញាធរស្រុកព្រៃឈរ អាជ្ញាធរស្រុកកងមាស និងកម្លាំងប៉ុស្តិ៍នគរបាលរដ្ឋបាលព្រែកក្របៅ បានរុះរើបំផ្លាញចោលនូវឧបករណ៍ខុសច្បាប់ មានឧបករណ៍ស្បៃមុង ២០មាត់ ប្រវែង ៥៦០ម៉ែត្រ រួមនឹងបានបំផ្លាញចោលនូវឧបករណ៍ល្មើសជាច្រើនទៀត នៅនឹងកន្លែងផ្ទាល់ ។

ខេត្តកំពង់ចាម៖ នាថ្ងៃទី១៦ ខែកញ្ញា ឆ្នាំ២០២៦នេះ លោកជំទាវ ប៉ាង ដានី អភិបាលរងនៃគណៈអភិបាលខេត្តកំពង់ចាម បានអញ្ជើញជាអធិបតីភាពក្នុងពិធីបើក «សិក្ខាសាលាស្ដីពី ការផ្លាស់ប្ដូរបទពិសោធន៍ លើវិធីសាស្ត្រនៃការរៀបចំផែនការ ការធ្វើរបាយការណ៍ និងកិច្ចសហការសកម្មភាពរួមគ្នារវាងអង្គការ IJM និងគណៈកម្មាធិការខេត្តប្រយុទ្ធប្រឆាំងការជួញដូរមនុស្ស (គ.ខ.ប.ជ.) ខេត្តកំពង់ចាម»។ សិក្ខាសាលានេះក៏មានការអញ្ជើញចូលរួមពីសំណាក់ លោក លោកស្រី ដែលជាសមាជិក សមាជិកា មកពីតាមបណ្តាមន្ទីរ-អង្គភាពជំនាញជុំវិញខេត្តផងដែរ។

ខេត្តស្ទឹងត្រែង ទទួលបានអណ្តូងទឹក ចំនួន ១៥៣អណ្តូង ជីកស្រះទឹកមានរៀបថ្មការពារ ចំនួន ៣ស្រះ និងសាងសង់បន្ទប់ម៉ាស៊ីនចម្លោះទឹកស្អាត ចំនួន ១កន្លែង នឹងចាប់ផ្តើមធ្វើការសាងសង់ ចាប់ពីខែកញ្ញា ឆ្នាំ២០២៦ តទៅ របស់គម្រោងផ្គត់ផ្គង់ ទឹកជនបទ ជំហាន ៣ ក្នុងក្របខ័ណ្ឌហិរញ្ញប្បទានឥតសំណងពីរដ្ឋាភិបាល នៃសាធារណរដ្ឋ ប្រជាមានិតចិន តាមរយៈក្រសួងអភិវឌ្ឍន៍ជនបទ។

បាត់ដំបង៖ ក្រុមចម្រុះរដ្ឋបាលក្រុងបាត់ដំបង បានចុះពិនិត្យ និងពន្លឿនការរុះរើសំណង់ និងសម្ភារៈនានា របស់ម្ចាស់ម៉ាត HCL (ដែលជាក្រុមហ៊ុនតែមួយជាមួយផ្សារហេងឆៃលីដែលឆេះកន្លងមក) ចេញពីទីតាំងដែលមិនមានច្បាប់អនុញ្ញាតិ កាលពីថ្ងៃទី ១៥ ខែកញ្ញា ឆ្នាំ ២០២៦។

ជម្រុញវិស័យទេសចរណ៍ក្នុងរដូវបៃត

បាត់ដំបង៖ លោក សុវណ្ណ វិទិត្យា ប្រធានមន្ទីរព័ត៌មានខេត្តបាត់ដំបង បានដឹកនាំក្រុមការងារមន្ទីរព័ត៌មានខេត្ត នៅព្រឹកថ្ងៃទី១៦ ខែកញ្ញា ឆ្នាំ២០២៦ បន្តចុះបេសកកម្មផ្សព្វផ្សាយ តម្រង់ទិស និងពង្រឹងការងារព័ត៌មាន និងសាធារណមតិ ជូនដល់មន្ត្រីពាក់ព័ន្ធនៃរដ្ឋបាលក្រុងបាត់ដំបង ដោយមានការអញ្ជើញចូលរួមពី លោក លាង វាសនា អភិបាលក្រុងបាត់ដំបង និងមន្ត្រីពាក់ព័ន្ធជាច្រើនរូប។

បាត់ដំបង៖ ឯកឧត្តម ហែម វណ្ណឌី - HEM Vanndy រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុករតនមណ្ឌល និងស្រុកសង្កែ និងលោកជំទាវ បានឧបត្ថម្ភថវិកាចំនួន ៥,០០០ ដុល្លារអាម៉េរិក ជូនសាខាកាកបាទក្រហមកម្ពុជាខេត្តបាត់ដំបង។

ប្អូនស្រី ឈីវ ឈិនឈាង៖ «ខ្ញុំឈ្មោះ ជីវ ឈិនឈាង រស់នៅភូមិក្បាលព្រលាន មានអារម្មណ៍ថាសប្បាយចិត្ត និងរំភើបមែនទែន ដោយសារពីមុនផ្លូវហុយ ហើយ ដូចខ្ញុំជាអាជីវករចឹង លំបាកក្នុងការលក់ដូរអីវ៉ាន់។ ដល់ពេលឥឡូវបានផ្លូវបេតុងមក មានអារម្មណ៍ថាសប្បាយចិត្តមែនទែន រំភើប។ ផ្លូវពីមុនវាលអិល វាមានភក់ មានគ្រលុក ដល់ពេលឥឡូវបានផ្លូវបេតុងស្រួល»។

(កំពង់ចាម)៖ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នាព្រឹកថ្ងៃទី១៦ ខែកញ្ញា ឆ្នាំ២០២៦ បានអញ្ជើញជាអធិបតីភាពក្នុងពិធីប្រកាសដាក់ឱ្យប្រើប្រាស់ជាផ្លូវការនូវ «ផែនការអភិវឌ្ឍន៍ទេសចរណ៍ខេត្តកំពង់ចាម ឆ្នាំ២០២៦-២០៣០» នៅសាលប្រជុំសាលាខេត្តកំពង់ចាម។

(ភ្នំពេញ )៖ នាព្រឹកថ្ងៃទី១៦ ខែកញ្ញា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានមានប្រសាសន៍លើកឡើងថា គិតរហូតមកដល់ពេលបច្ចុប្បន្ននេះ ប្រជាពលរដ្ឋដែលបានមកទទួលសេវាសុខភាពនៅតាមមណ្ឌលសុខភាព និងមន្ទីរពេទ្យបង្អែកស្រុក មានការកើនឡើងប្រមាណជា៨០% ។ ការលើកឡើងរបស់សម្ដេចធិបតីនាយករដ្ឋមន្រ្ដីបែបនេះ ក្នុងពិធីសម្ពោធដាក់ឱ្យប្រើប្រាស់ជាផ្លូវការ «មន្ទីរពេទ្យ ហ្លួងម៉ែ» ស្ថិតក្នុងសង្កាត់ព្រៃស ខណ្ឌដង្កោ រាជធានីភ្នំពេញ ។

នីតិវិធីនៃការសុំច្បាប់សាងសង់ និងកាតព្វកិច្ចការពារចំណីស្ទឹង/ប្រឡាយសាធារណៈ ដើម្បីការអភិវឌ្ឍប្រកបដោយចីរភាព

មន្ទីរបរិស្ថានខេត្តប៉ៃលិន បានសហការជាមួយអាជ្ញាធរសង្កាត់ប៉ៃលិន និងរដ្ឋបាលក្រុងប៉ៃលិន ចុះយុទ្ធនាការធ្វើអនាម័យ និងផ្សព្វផ្សាយយុទ្ធសាស្ត្រចក្រាវិស័យបរិស្ថាន ដើម្បីលើកកម្ពស់ការយល់ដឹងអំពីការគ្រប់គ្រងសំណល់រឹង និងសំរាមនៅក្នុងផ្សារសាមគ្គី ហៅផ្សារប៉ាហ៊ី ស្ថិតក្នុងភូមិប៉ាហ៊ី សង្កាត់ប៉ៃលិន ក្រុងប៉ៃលិន ខេត្តប៉ៃលិន។