ព័ត៌មានតាមបណ្តារខេត្ត

ប៉ៃលិន៖ ដំណើរការសម័យប្រឡងសញ្ញាបត្រមធ្យមសិក្សាបឋមភូមិ (ឌីប្លូម) បានចាប់ផ្តើម ជាផ្លូវការហើយ នាព្រឹកថ្ងៃទី០៦ ខែកក្កដា ឆ្នាំ២០២៦នេះ ដោយនៅក្នុងខេត្តប៉ៃលិន មានការអញ្ជើញចូលរួមផ្ទាល់ពីសំណាក់ថ្នាក់ដឹកនាំមន្ទីរអប់រំ យុវជន និងកីឡាខេត្ត រួមជាមួយអាជ្ញាធរមូលដ្ឋាន នៅតាមមណ្ឌលប្រលងនានា ក្នុងការបើកកញ្ចប់វិញ្ញាសា ដើម្បីធានាបាននូវតម្លាភាព និងភាពត្រឹមត្រូវ។

ជំងឺដំបៅក្រពះ គឺជាអាការៈទូទៅមួយដែលមនុស្សជាច្រើនតែងតែជួបប្រទះ និងគិតថាជា «រឿងធម្មតា» គ្រាន់តែលេបថ្នាំបំបាត់ការឈឺចាប់ ឬថ្នាំសម្រួលអាស៊ីតទៅគឺរួចរាល់ហើយ។ ប៉ុន្តែ ប្រសិនបើអាការៈនេះកើតឡើងដដែលៗរហូតក្លាយជា «ដំបៅក្រពះរ៉ាំរ៉ៃ» ហើយខ្វះការព្យាបាលត្រឹមត្រូវ វាអាចនឹងវិវត្តទៅជាការរលាកកោសិកាធ្ងន់ធ្ងរ ដែលជាឫសគល់ឈានទៅរកជំងឺដ៏កាចសាហាវ គឺ «មហារីកក្រពះ» ដោយស្ងាត់ៗ។

កិច្ចប្រជុំនេះក៏មានការអញ្ជើញចូលរួមពីសំណាក់ឯកឧត្តមអភិបាលនៃគណៈអភិបាលខេត្តឧត្តរមានជ័យ, អភិបាលរងខេត្ត, កងកម្លាំងប្រដាប់អាវុធទាំងបីប្រភេទ, អាជ្ញាធរក្រុង-ស្រុក, មេឃុំ-ចៅសង្កាត់ ព្រមទាំងមន្ត្រីរាជការ និងអ្នកពាក់ព័ន្ធជាច្រើនរូបទៀត។ ពិធីនេះប្រារពធ្វើឡើងនៅសហសាលប្រាសាទតាមាន់ធំ សាលាខេត្តឧត្តរមានជ័យ។

ប៉ៃលិន៖ ក្នុងកិច្ចប្រជុំក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ ប្រចាំត្រីមាសទីពីរ ឆ្នាំ២០២៦ នាថ្ងៃទី៣ ខែកក្កដា ឆ្នាំ២០២៦ នៅមន្ទីរអភិវឌ្ឍន៍ខេត្តប៉ៃលិន ក្រោមអធិបតីភាព លោក រស់ នឿន អភិបាលរងខេត្តប៉ៃលិន, លោក គឺន សុគា អនុប្រធានមន្ទីរអភិវឌ្ឍន៍ជនបទខេត្ត បានធ្វើរបាយការណ៍អោយដឹងថាៈ ប្រជាពលរដ្ឋខេត្តប៉ៃលិនមានអត្រាប្រើប្រាស់ទឹកស្អាតចំនួន ៨៣,៥% និងមានអត្រាប្រើប្រាស់បង្គន់ ស្មើនឹង ៩៦,៧៦% ។

ស្នងការដ្ឋាននគរបាលខេត្តប៉ៃលិន សូមជម្រាបជូនដំណឹង ដល់ប្រជាពលរដ្ឋ ស្តីពីការប្រុងប្រយ័ត្នលើបទល្មើសបច្ចេកវិទ្យា ដែលមានដូចខាងក្រោម៖

យោង ៖ លិខិតលេខ ៧៣៣/២៦ អ.ន.ញ ចុះថ្ងៃទី២៩ ខែមិថុនា ឆ្នាំ២០២៦ របស់រដ្ឋបាលខេត្តមណ្ឌលគិរី ស្តីពីការអនុញ្ញាត ដល់មន្ទីរវប្បធម៌និងវិចិត្រសិល្បៈ ខេត្តមណ្ឌលគិរី រៀបចំមហោស្រពសិល្បៈចម្រៀងបុរាណនិងសម័យ ឆ្នាំ២០២៦។

មណ្ឌលគិរី ៖ រមណីយដ្ឋានទឹកជ្រោះប៊ូស្រា គឺជារមណីយដ្ឋានធម្មជាតិដ៏ល្បីល្បាញមួយ ដែលមានទីតាំងស្ថិតនៅក្នុងស្រុកពេជ្រាដា ខេត្តមណ្ឌលគិរី។ ទឹកជ្រោះនេះ ជាគោលដៅដ៏សំខាន់ សម្រាបទាក់ទាញភ្ញៀវទេសចរជាតិ អន្តរជាតិ អញ្ជើញទស្សនាកម្សាន្ត ដើម្បីបន្ថូរអារម្មណ៍តានតឹងក្រោយពីការងារ និងការសិក្សា នៅថ្ងៃឈប់សម្រាក ឬពិធីបុណ្យផ្សេងៗ ។

មណ្ឌលគិរី ៖ ដោយមានការចង្អុលបង្ហាញ និងដឹកនាំរបស់ឯកឧត្តម គង់ គឹមនី អភិបាលខេត្ត និងជាប្រធានគណៈបញ្ជាការឯកភាពខេត្តមណ្ឌលគិរី នាថ្ងៃទី០៤ ខែកក្កដា ឆ្នាំ២០២៦នេះ កម្លាំងសមត្ថកិច្ចចម្រុះ ខេត្តមណ្ឌលគិរី ដឹកនាំដោយលោក ឈិត សុផល នាយករងរដ្ឋបាលសាលាខេត្ត បានចុះពិនិត្យករណីសត្វគោងាប់ចំនួន ០៦ក្បាល ស្ថិតនៅទីតាំងអាជីវកម្មរ៉ែមាស អនាធិបតេយ្យ ១កន្លែង ក្នុងភូមិពូទុង ឃុំចុងផ្លាស់ ស្រុកកែវសីមា។

មណ្ឌលគិរី៖ នារសៀលថ្ងៃទី០៤ ខែកក្កដា ឆ្នាំ២០២៦ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត និងឯកឧត្តម គង់ គឹមនី អភិបាលខេត្តមណ្ឌលគិរី រួមទាំងមន្រ្តីក្រោមឱវាទ បានអញ្ជើញចូលរួមពិធីបួងសួងសុំសេចក្តីសុខសន្តិភាព និងសិរីសួស្តីជូនដល់ថ្នាក់ដឹកនាំជាន់ខ្ពស់ ក៏ដូចជាមន្រ្តីរាជការ និងប្រជាពលរដ្ឋទូទៅ នៅភ្នំដោះក្រមុំ (យោគស្រុះផ្លំ) ក្រុងសែនមនោរម្យ។

ព្យុះទី៩ ឈ្មោះ បាវី(Bavi)T2609 បានវិវត្តទៅជាព្យុះសង្ឃរា និងព្យុះទី១០ ឈ្មោះ ម៉ៃស័ក​(Maysak)T2610 មានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងពីរនេះទេ។ សូមបញ្ជាក់ថាឈ្មោះព្យុះ ម៉ៃស័ក ជាឈ្មោះរបស់កម្ពុជា ហើយព្យុះនេះនឹងរលាយបាត់ទៅវិញនៅថ្ងៃទី៦ ខែកក្កដា ឆ្នាំ២០២៦ ចំណែកឯព្យុះទី៩ ឈ្មោះ បាវី(Bavi)T2609 នឹងបន្តមានឥទ្ធិពលរហូតដល់ថ្ងៃទី១២ ខែកក្កដា ឆ្នាំ២០២៦។

(កំពង់ចាម) លោក ឡោ ចាន់លី លោកអភិបាលរងខេត្តកំពង់ចាម នាព្រឹកថ្ងៃទី០៥ ខែកក្កដា ឆ្នាំ២០២៦ អញ្ជើញដឹកនាំកិច្ចប្រជុំដើម្បីរៀបចំសណ្តាប់ធ្នាប់ និងធានាសុវត្ថិភាពខ្ពស់បំផុត សម្រាប់ត្រៀមលក្ខណៈទទួលមហាជនយ៉ាងកុះកររហូតដល់ ៧,០០០នាក់ ដែលនឹងមកចូលរួមក្នុងពិធីសម្ពោធដាក់ឱ្យប្រើប្រាស់ជាផ្លូវការនូវ កំណាត់ផ្លូវជាតិលេខ៧ នាថ្ងៃទី៧ ខែ៧ ខាងមុខនេះ។

ដើម្បីជួយគាំទ្រ លើកកម្ពស់សុខភាពរបស់ប្រជាពលរដ្ឋ និងការអប់រំសិស្សានុសិស្សនៅស្រុកកោះសូទិន ខេត្តកំពង់ចាម ឲ្យកាន់តែល្អប្រសើរ ឯកឧត្តម ឡោ សុឡេង សមាជិកគណៈកម្មាធិការកណ្តាល និងជាប្រធានក្រុមការងារគណ បក្សប្រជាជនកម្ពុជាចុះមូលដ្ឋានស្រុកកោះសូទិន បានប្តេជ្ញាបន្តជួយជ្រោមជ្រែង និងផ្តល់ការឧបត្ថម្ភជាសំភារៈផ្សេងៗ ដើម្បីឲ្យបម្រើសេវាឲ្យកាន់តែរហ័ស និងមានប្រសិទ្ធភាពខ្ពស់។